भांगरभूंय | प्रतिनिधी
भांगरभूंय । खेळां मेज
पणजीः अदूंच्या इंडियन सुपर लीग (आयएसएल)
फुटबॉल सर्ती खातीर एफसी गोवान तयारी सुरू केल्या. कार्लोस पेना ह्या नव्या कोचाच्या मार्गदर्शना खाला 4 म्हयन्याचें सरावाचें सत्र सुरू जालां. साल्वादोर द मूंद पंचायत मैदानाचेर सरावाक डुरांड सर्तींत वांटेकार जाल्ल्या चार खेळगड्यांक सोडून हेर खेळगड्यांनी शुक्रारच्यान सुरू जाल्ल्या सरावांत वांटो घेतला.
आयएसएल खातीर खेळगड्यांक सगळे नदरेतल्यान फीट करपाचो आमचो हेत आसा. तांची शारीरिक तांक वाडोवपाक कडेन आमचे चड लक्ष आसा आनी ते खातीर आमी सरावाक बेगीन सुरवात केल्या अशें पेना हांणी सांगले. एफसी गोवा पंगडांत कांय नव्या खेळगड्यांचो आसपाव केला. ते आनी पोरणे खेळगडे हांचे मदीं बरो समन्वय जुळून येवचो होय त्या फाटलो हेत आसा अशें तांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
