भांगरभूंय | प्रतिनिधी
हळदोणा: पोडवाल, खोर्जुवेंच्या ९ वर्सां पिरायेच्या श्रीशा पोळे हांणी पेवन मांडवी न्हंय येसस्वीपणान हुपली. हाका लागून ताची सगल्याक तोखणाय जाता.
शिक्षा निकेतन शाळेची विद्यार्थिनी श्रीशाची इतले ल्हान पिरायेर मांडवी न्हंय पार करपाची ही दुसरी वेळ. ह्यान पयलीं तिणें पिरायेच्या आठव्या वर्सा यत्ता दुसरेंत आसतना मांडवी न्हंय पेंवन हुपिल्ली. तिचें धाडस, जिद्द आनी उत्कृश्ठ तरेन पेवपाचे कुशळटायेची सगल्याक तोखणाय जाता.
विशेश म्हळ्यार श्रीशान कसलेच तरेचें खासगी प्रशिक्षण घेनासतना आपले शाळेंत आयोजीत केल्ल्या ‘स्विमिंग कॅम्प’तल्यानूच पेंवपाची कुशळटाय विकसीत केली. ह्या कॅम्पाक लागूनच तिच्या मनांत पेंवपाची आवड आनी आत्मविस्वास वाडलो. ह्या न्हंय हुपपाच्या उपक्रमांत वट्ट ३२ जाणांनी वांटो घेतलो. प्रशिक्षक अजय नायक आनी तांच्या सहकारी प्रशिक्षकांच्या मार्गदर्शना खाला हो उपक्रम जालो.
श्रीशाच्या ह्या यशाक लागून तिच्या कुटुंबा सयत खोर्जुवें आनी हळदोणें वाठारांत उमेदीचें वातावरण आसा. ती सुवर्णसिंह पोळे आनी राखी हांची धूव. धुवेचे आवडीक उर्बा दिल्ले खातीर तिच्या पालकांचीय तोखणाय जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
