भांगरभूंय | प्रतिनिधी
कुडचडें : कुडचडच्या एकल्या कडेन सोशल मिडिया वेल्यान इश्टागत केली. उपरांत लग्नाचें हांयस दाखोवन वट्ट ३ लाख ३५ हजार ७२० रुपयांची फटींगपणां केल्ल्याची घडणूक मुखार आयली. ह्या प्रकरणांत केपें पुलिशेंत गुन्यांव नोंद केलो.
पुलिसांनी दिल्ले म्हायती प्रमाण, १३ फेब्रुवारीक केपें मार्केट वाठारांत आसतना कागाळदाराक फेसबुकाचेर एरीयाना जोनाथन ह्या नांवाच्या प्रोफायला वेल्यान संपर्क केलो. संबंदीत बायलेन आपलो मोबायल नंबर शेअर करून व्हॉट्सऍपार संवाद सुरू केलो. तिणें आपूण लंडनच्यान गोंयांत येतलें अशें सांगून कागाळदाराक लग्नाचो प्रस्ताव दिलो.
उपरांत ६ मार्चाक कागाळदाराक फोन करून संबंदीत बायल दिल्ली विमानतळा पाविल्ल्याचें सांगलें. विमानतळावेल्या क्लिअरन्सा खातीर बेगोबेग पयशांची गरज आशिल्ल्याचें सांगून पयशे मागले. ताचेर विस्वास दवरून कागाळदारान आरोपींक दिल्ल्या बँक खात्यांत आनी गुगला वेल्यान वट्ट ३,३५,७२० रुपया धाडले. ही रक्कम मनू कुमार, अभय सिंह आनी अंकित कुमार ह्या नांवाच्या खात्यांनी गेल्या.
ताचे उपरांत आरोपींनी आनीक पयशांची मागणी केली. मात; कागाळदारान न्हयकार दिले उपरांत तांणी ताचे फोन आनी संदेशांक प्रतिसाद दिवप बंद केलें. आपली फसवणूक झाल्याचे लक्षात आल्यानंतर तक्रारदाराने पुलिशेंत धाव घेतली. ह्या प्रकरणाचो फुडलो तपास वरिश्ठांच्या मार्गदर्शना खाला केपें पुलीस स्टेशनाचे उपनिरीक्षक दिगंबर बोंद्रे करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
