भांगरभूंय | प्रतिनिधी
कटक: ओडिशांतल्या कटक हांगच्या एससीबी मेडिकल कॉलेज हॉस्पिटलांत उजो लागलो. आयतारा मध्यानरातीं ३ वरांचेर जाल्ले घडणुकेंत १० दुयेतींक लासून मरण आयलें. मिडिया रिपोर्ट्स प्रमाण, हॉस्पिटलाचे पयले माळयेर आशिल्ल्या ट्रॉमा केअरच्या आयसीयूंत उजो लागिल्लो.
दुयेतींक सुरक्षीत सुवातेर हालयतना हॉस्पिटलांतले सुमार ११ कर्मचारीय लासले. ओडिशाचे मुख्यमंत्री मोहन चरण मांझी जखमींक मेळपा खातीर हॉस्पिटलांत पावले. मुख्यमंत्र्यांनी मरण आयिल्ल्यांच्या कुटुंबियांक दरेकी २५ लाख रुपयांची भरपाय दिवपाची घोशणां केल्या.
उजो लागलो तेन्ना थंय सुमार २३ दुयेंती दाखल जाल्ले. हो उजो कित्याक लागलो हें आजून कळूंक ना. मात आयसीयूंत शॉर्ट सर्किटाक लागून उजो लागिल्ल्याचो अदमास आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
