भांगरभूंय | प्रतिनिधी
9 एप्रीलाक पोटवेंचणूक, 4 मेक मतमेजणी: एसआयआर उपरांत फोंड्यां ४२३० मतदार उणे जाले
पणजी : फाटले विधानसभा वेंचणुकेचे तुळेंत एसआयआर उपरांत फोंडें मतदारसंघांतल्या मतदारांचो आंकडो ४२३० मतांनी उणो जाल्ल्यान समीकरण पुरायेन बदलतलें. मतदारांचो आंकडो ४ हजारां पसर चड प्रमाणांत उणो जाल्ल्यान राजकीय पक्षांकूय रणनितींत बदल करचो पडटलो. फाटल्या म्हळ्यार २०२२चे वेंचणुकेंत फोंडें मतदारसंघांत ३२१५७ मतदार आशिल्ले.
एसआयआर उपरांत हो आंकडो २७९२७चेर पावला. मतदारांचो आंकडो उणो जाल्ल्यान हाचो लाव नेमको कोणाक जातलो? हाचेर जायतें निंबून आसा. फोंडें 9 एप्रीलाक पोटवेंचणूक जातली. 4 मेक मतमेजणी जातली.
फाटले विधानसभा वेंचणुकेंत फोंडें मतदारसंघांतल्यान स. रवी नायक हे फकत ७७ मतांनी जैतिवंत जाल्ले. हे वेंचणुकेक रवी नायक हांचे पूत उबे रावतले. दुसरे वटेन केतन भाटीकारुय उबे रावतले, अशें तांणी जाहीर केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
