भांगरभूंय | प्रतिनिधी
काठमांडू: नेपाळच्या गोरखा जिल्ह्यांत शेनवारा रातीं भारतीय भाविकांनी भरिल्ली बस देंगणांत कोसळ्ळी.हातूंत ७ जाणांक मरण आयलें, ७ जाण जखमी जाल्यात. प्रवासी मनाकामना देवळांतल्यान दशरन घेवन परतताले.
हे विशीं पुलिसांनी दिल्ले म्हायती प्रमाण, भाविकांक घेवन वचपी एक मायक्रो बस मनाकामना देवळांतल्यान परततना रस्त्यावेल्यान निसरून २०० फूट खोल देंगणांत कोसळ्ळी.
अपघातांत जखमी जाल्ल्या ७ प्रवाशांक भरतपूर हांगच्या चितवन मेडिकल कॉलेजींत उपचारा खातीर धाडल्यात. पुलिसांचे म्हायती प्रमाण बसींत डझना परस चड प्रवासी आशिल्ले.
प्रशासनाने दिल्ले म्हायती प्रमाण, बस मनाकामना देवळांतल्यान तनहुन जिल्ह्यातल्या अंबुखैरेनी भागाकडेन वताली. घडणुके उपरांत रातीं उसरां मेरेन रेस्न्यू ऑपरेश चालूच आशिल्लें. सध्या पुलीस अपघात कित्याक जालो हाची चवकशी करतात.
ह्या अपघातांत मरण आयिल्ल्यां मदीं मुथु कुमार (५८), अनामालिक (५८), मीनाक्षी (५९), शिवगामी (५३), विजयल (५७), मीना (५८) आणि तमिलरसी (६०) हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
