भांगरभूंय | प्रतिनिधी
नवी दिल्ली: जर तुमच्या घरांत पायप नॅचरल गॅस (PNG) कनॅक्शन आसल्यार आतां तुमकां तुमचो LPG सिलिंडर सरेंडर करचो पडटलो. देशात वाडपी गॅस संकटाचे फाटभूंयेर पॅट्रोलियम मंत्रालयान पुरवणेच्या नेमांनी व्हड बदल केला.
नव्या आदेशा प्रमाण, PNG वापरकर्त्यांक नवें LPG कनॅक्शन मेळचें ना आनी पोरणो सिलिंडरूय रिफील जावचो ना. सरकारान ह्यान पयलींपुरवणे विशीं ९ दिसांनी ३ फावटीं नवे नेम जारी केल्यात.
घरगुती गॅस पुरवण करपा खातीर ४ नवे नेम
• आतां एका घरांत पीएनजी (पायप गॅस) आनी एलपीजी (सिलिंडर) दोनूय जोडणी आसप बेकायदेशीर थारतलें.
• ज्या लोकांक सक्रीय पीएनजी कनॅक्शन आसा तांकां आतां आपलो एलपीजी सिलिंडर रिफिल (बुक) करपाक मेळचो ना.
• जाचे कडेन दोनूय सुविधा आसात तांकां आपलें घरगुती एलपीजी कनॅक्शन बेगोबेग खात्या कडेन सोंपयतले.
• नळ गॅस (पीएनजी) आशिल्ल्या गिरायकांक आतां नव्या घरगुती एलपीजी जोडणी खातीर अर्ज करपाक मेळचो ना.
एलपीजी सिलिंडर बुकिंगचे नेम तीन फावटीं बदल्ले
६ मार्च: घरगुती LPG बुकींग खातीर लॉक-इन काळ २१ दिसांचो करतले.
९ मार्च: मागणी वाडिल्ल्यान शारांनी लॉक-इन काळ २५ दिसां मेरेन वाडयलो.
१२ मार्च: गांवगिर्या वाठारांत सिलींडर बुक करपाचो अंतर ४५ दिसांचें केलां.
कनॅक्शन सरंडर केलें ना जाल्यार कायदेशीर कारवाय जावपाक शकता
हे नवे नेम रोखडेच लागू जाल्यात. ज्या लोकांक पीएनजीचो पर्याय आसा तांणी आपले सिलिंडर सोंपोवचे अशें सरकाराक दिसता, जाका लागून सिलिंडर हेर पर्याय नाशिल्ल्या लोकां मेरेन पावूंक शकतले.
शेनवारा जारी केल्ले अधिसुचोवणेंत म्हणलां, जांकां दोनूय कनॅक्शनां आसात तांणी बेगोबेग लागींच्या एलपीजी वितरका कडेन वा कंपनीच्या पोर्टलाचेर वचून आपलें कनॅक्शन सरेंडर करचें. सरंडर केल्यार ख्यास्त आसची ना, पूण नेम मोडल्यार कायदेशीर कारवाय जावपाक शकता.
होर्मुज हांगच्या सोडिल्ल्यो २ बोटी ९२ हजार टन गॅस घेवन भारतांत येता
मध्य उदेंतांत चालू आशिल्ल्या ताणाचे फाटभुंयेर भारता खातीर सांत्वन दिवपी खबर आसा. ‘शिवलीक’ आनी ‘नंदा देवी’ ह्यो दोन भारतीय एलपीजी वाहक बोटी होरमुज मार्ग हुपून मुखार पावल्यात. ह्या बोटींनी सुमार ९२,७०० मेट्रीक टन एलपीजी व्हरतात अशें बंदर आनी जहाज येरादारी मंत्रालयाचे खाशेले सचीव राजेश कुमार सिन्हा हांणी सांगलें. १६ आनी १७ मार्च मेरेन ते मुंद्रा आनी कांडला बंदरांचेर पावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
