भांगरभूंय | प्रतिनिधी
पणजी : राज्यांत फाटलीं तीन वर्सां सायबर गुन्यांवकारांनी ऑनलायन फटींगपणां करून वट्ट १०९ कोटी रुपयांची तोपी घाली. हाचोच अर्थ म्हयन्याक सरासरी ३.०२ कोटी म्हणल्यार दिसाक सरासरी ९.९५ लाख रुपयांची फटींपणां जाल्लीं.
वटट रकमे मदले पुलिसांक फकत ९० लाख रुपया (०.८२ टक्के) परत मेळोवपाक येस आयलां. वयल्या काळांत पुलिसांनी ऑनलायन फटींगपणाच्यो २९८ दाखल केल्यात.
हे विशीं मेळिल्ले म्हायती प्रमाण, २०२३ वर्सा राज्यांत सायबर फटींगपणाच्यो ८२ कागाळी दाखल केल्यो. त्या वर्सा फटींगपणां करून ६.२९ कोटी रुपयांची तोपी घाली. २०२४ वर्सा ८५ कागाळी दाखल जाल्यो. हातूंत २७.२९ कोटी रुपयांची फटवणुकेच्यो कागाळी केल्यात. २०२५ वर्सा कागाळींच्या आंकड्या सयत फटींगपणां जाल्ले रकमेंत व्हड वाड जाली. २०२५ वर्सा वट्ट १३१ कागाळी दाखल जाल्यो. हातूंत ७५.४१ कोटी रुपयांची तोपी घातिल्ल्याची कागाळ केली.
वर्सा प्रमाण पळयल्यार २०२३ वर्सा सायबर फटींगपणां वरवीं फटींगपणां केल्ले पयशे परत मेळोवपाक पुलिसांक येस येवंक़ ना. २०२४ वसार १३.१८ लाख रुपया परत मेळयले. जाल्यार २०२५ वर्सा ७७.१३ लाख रुपया परत मेळयले. गोंय पुलिसांक सायबर गुन्यांव आडावपा खातीर, तांचो तपास करपा खातीर केंद्रीय पांवड्यार प्रशिक्षण दितात. सायबर पुलीस विभागाक अत्याधुनीक तंत्रज्ञान शिकयता. तशेंच शाळा, महाविद्यालयां आनी हेर सुवातांचेर जागृती शिबिरां घेतात.
866 मोबायल केले ब्लॉक
सायबर पुलिसांनी सायबर गुन्यांवां कडेन संबंदीत आशिल्ले ८६६ मोबायल नंबर ब्लॉक केल्यात. तशेंच ४४२ वेब लिंक आनी १६८ सोशल मिडिया खातींय बंद केल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
