भांगरभूंय | प्रतिनिधी
भांगरभूंय । प्रतिनिधी
पणजीः बोगस कागदपत्रां तयार करून कळंगुटे हांगची मालमत्ताा बेकायदेशीरपणान हडप केल्ल्या प्रकरणात विशेश चवकशी पंगडान (एसआयटी) शुक्राराक अटक केल्ल्या सेड्रिक फर्नांडीस हाच्या आड आनीक एक गुन्यांव नोंद केला. हातूंत आन्तोनेत फर्नांडीस आनी मारिया ऍन्जेला ऊर्फ ऍन्जेलिका फर्नांडीस हांचोय आसपाव आसा.
मेळिल्ले म्हायती प्रमाण नायकवाडो- कळंगुटे हांगच्या डेब्रा मस्कारेन्हास हांणी कागाळ केल्ली. ते प्रमाण वयल्या दुबावितांनी 10 जुलय 2022 दिसा कागाळदाराची कळंगुटे हांगची सर्वे नंबर 25-2 तली 2,150 चौखण मीटर आनी सर्वे नंबर 24-5 तली 675 चौ. मी जमनीचे बोगग वारसदार प्रमाणपत्र आनी हेर दस्तावेज तयार केले. ते उपरांत संबंदीत सरकारी कार्यालयांत ते सादर करून जमीन हस्तांतरण करून घेतलें. पुलीस अधिक्षक निधीन वाल्सन हांच्या मार्गदर्शना खाला निरीक्षक योगेश गडकर ह्या प्रकरणाचो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
