भांगरभूंय | प्रतिनिधी
पणजीः घरगुती गॅस सिलिंडर उपलब्ध आसा आनी वेवसायीक सिलिंडराची समस्या जाल्या. लोकांनी भियेवपाची गरज ना. हो विशय बेगीन सुटावो जातलो, अशें मुख्यमंत्री डॉ. प्रमोद सावंत हांणी स्पश्ट सांगलां.
बरेस्तार विधानसभेच्या अधिवेशनाचे सुरवातेकच विरोधकांनी राज्यांत उप्राशिल्ल्या गॅस सिलिंडराच्या उणावा वेल्यान बोवाळ घालपाक सुरवात केली.
एक म्हजी गॅस येवजण येवपा आसा काय म्हण लोकांमदी भंय जाला. पुराय गोंयभर हो विशय पेटला. लोक सकाळ सावन सिलिंडर घेवपा खातीर रांकेंत रावल्यात, अशें विरोधी पक्ष फुडारी युरी आलेमाव हांणी सांगलें.
गॅस सिलिंडर उणावाची समस्या सुटावी करपा खातीर सरकारान दरेक घरांत फुकट इंडक्शन दिवचें तशेंच फुकट लायट दिवची, अशी मागणी बाणावलेचे आमदार वेन्झी व्हिएघस हांणी केली.
आमी भारत सरकाराच्या संपर्कांत आसात. तांणी तीन सचिवांची कार्यकारी समिती तयार केल्या. आमी हे विशींचो अहवाल मागोवन गॅस सिलिंडाराची समस्या सोडयतात. सगल्या लोकांनी भियेवन लायनीक रावपाची गरज ना. हो विशय सुटावो जातलो, अशें आस्वासन मुख्यमंत्र्यान दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
