भांगरभूंय | प्रतिनिधी
पणजी : हालींच जाल्ल्या जांबावले गुलालोत्सवांत ९.२० लाख रुपयांची भांगराची सरपळी चोरी जाल्ल्याची घडणूक घडली. हे विशीं पर्वरेच्या शैलेश गाड हांणी पुलिशेंत कागाळ केल्या. पुलिसांनी अनवळख्या आड गुन्यांव नोंद केला.
पर्वरेच्या शैलेश गाड हांणी केपें पुलीस स्टेशनांत दिल्ले कागाळींत म्हणलां, १० मार्चाक दनपारच्या ३.३० ते ३.४५ ह्या वेळार जांबावलेच्या गुलालोत्सवाक हाजीर रावलों. ह्या वेळार अनवळखी मनशान गळ्यांतली सुमार ५१ ग्राम वजनाचें लॉकेट आशिल्ली भांगराची सरपळी फारायली. भांगराचे सरपळेची किंमत सुमार ९ लाख, २० हजार रुपया इतली आशिल्ल्याचें कागाळेंत म्हणलां. केपें पुलिसांनी अनवळखी मनशा आड गुन्यांव नोंद केला. हे विशीं अदीक तपास उपनिरीक्षक योगेश गांवकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
