भांगरभूंय | प्रतिनिधी
पणजी : गांधीनगर, सांवड्ड्यां पार्क करून दवरिल्लो टिपर ट्रक चोरिल्ल्याची घडणूक घडल्या. ह्या प्रकरणांत कुडचडें पुलीस स्टेशनांत दाखल जाल्ले कागाळीवेल्यान पुलिसांनी अनवळख्यां आड गुन्यांव नोंद केला.
हे विशीं चड म्हायती प्रमाण, गुड्डेमळ, सावड्डेंचे रियाज देवगीरिकर हांचो टाटा कंपनीचो टिपर ट्रक राजेंद्र नायक हांच्या गांधीनगरचे सुवातेर दवरिल्लो. ५ मार्चाक सांजेवेळार सुमार ७.३० वरां मेरेन ते ६ मार्च सकाळीं ७.१५ वरां मेरेनच्या काळांत कोणी तरी हो ट्रक चोरून व्हेलो.
हे घडणुकेची म्हायती मेळटांच कागाळदारान पुलिशेंत धांव घेतली. हाचे उपरांत पुलिसांनी अनवळखी आरोपी आड चोरयेचो गुन्यांव नोंद केलो. फुडलो तपास कुडचडें पुलीस स्टेशनाचे उपनिरीक्षक मयूर पणशिकार करतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
