भांगरभूंय | प्रतिनिधी
श्रीनगर: जम्मू-काश्मीरच्या झंगर-नौशेरा सेक्टरांत नियंत्रण रेशेचेर (LOC) घुसपाचो यत्न करतना लश्करान एका दहशतवाद्याक सोंपयलो. भारतीय लश्करान सांगलें, १० मार्च २०२६ दिसा दनपरां सुमार ३ वरांचेर नियंत्रण रेशेवेल्या झंगर-नौशेरा वाठारांत दोन दहशतवाद्यांच्यो हालचाली दिसल्यो.
लश्करान सांगलें, सैनिकांनी बेगोबेग कारवाय केली आनी तांचो घुसपाचो यत्न सोंपयलो. ते दोग जाण आतंकवादी आशिल्ले. दुसर्याचो सोद घेवप चालू आसा. लश्कराच्या म्हणण्या प्रमाण, जमनीवेल्यान आनी हवाई पाळत दवरून मजत घेतात.
फाटल्य ५ दिसांनी जम्मू-काश्मीरच्या राजौरी वाठारांत सुरक्षा दळान दुसरे फावटीं घुसपाचो यत्न सोंपोवन उडयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
