भांगरभूंय | प्रतिनिधी
39 ए खाला जमीन रूपांतरणाक विरोध करपाची मागणी
पणजी : नगरनियोजन कायद्याचें कलम ३९ ए रद्द करपाची मागणी पुराय राज्यांत सुरू आसतना सांकवाळ ग्रामसभेंत लेगीत ही मागणी ग्रामस्थांनी केली. सांकवाळ पंचायत वाठारांत कलम ३९ ए खाला जमीन रूपांतर करपाक दिवचें न्हय. जमीन रूपांतराच्या प्रस्तावांक पंचायतीन विरोध करचो, अशी मागणी ग्रामस्थांनी केली.
सांकवाळची ग्रामसभा आयतारा एमईएस म्हाविद्यालय सबाघरांत जाली. जुवारी एग्रो केमिकल्स कंपनीची जमीन, मेगा प्रकल्प आनी कलम ३९ ए वेल्यान ग्रामसबा तापली. गांवांत रस्ते अरूंद आसा. उदकाचो उणाव आसा. फावो ते प्रमाणांत मुळाव्यो सुविदा नाशिल्ल्यान पंचायतीन मेगा प्रकल्पांक मान्यताय दिवची न्हय. मेगा प्रकल्पांक मान्यताय दिवचे पयलीं पंचायतीन कॅरींग कॅपेसीटीचो अभ्यास करचो, अशी मागणी जाली. बंद पडिल्ल्या जुवारी एग्रो केमिकल्स वा पॅरादीप फोस्पेट कडल्यान शुल्काची थकबाकी वसूल करपाची मागणी जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
