भांगरभूंय | प्रतिनिधी
वीज मंत्री सुदिन ढवळीकार : 934 कील वॉट वीज निर्मिती
भांगरभूंय । प्रतिनिधी
पणजी : गोंयांतल्यो 22 सरकारी इमारती सौर उर्जेचो वापर करतात आनी सोलर पॅनला वरवीं हे इमारतींतल्यान 934 कील वॉट वीज निर्मिती जाता. सौर उर्जा यंत्रणा हाचे फुडें सरकारी इमारतींनी विस्तार करपाची येवजण आसा, अशी लेखी जाप वीज मंत्री सुदिन ढवळीकार हांणी दिली.
शिवोलेची आमदार डिलायला लोबो हांणी विधानसभेच्या पटलार विचारिल्ल्या लेखी प्रस्नाक जापर दितना वीज मंत्र्यान ही म्हायती दिली. फाटल्या पांच वर्सांच्या काळांत 5 कोटी खर्चून 22 सरकारी इमारतींनी ही सोलर पॅनल यंत्रणा बसयल्या. ते भायर 30 मॅगा वॉट तांकीची सोलर पॅनल यंत्रणा बसोवपा खातीर सरकारान 383 सरकारी इमारती निश्चीत केल्यात. मार्च 2027 मेरेन ही यंत्रणा बसोवपाचें काम पुराय जातलें.
2021- 22 त पाटो- पणजे गोंय उर्जा उदरगत एजन्सीचे (गेडा) इमारतींत 14 कील वॉट, पर्वरी सचिवालय 40 कील वॉट, केपें मुळावे भलायकी केंद्रांत 20 कील वॉट, सरकारी पॉलिटेकनीक इमारत केपें 50 कील वॉट, गोंय गृह विज्ञान महाविद्यालय 30 कील वॉट, सांखळी सरकारी महाविद्यालय 80 कील वॉट, पेडणें सरकारी महाविद्यालय 190 कील वॉट, केपें सरकारी महाविद्यालय 180 कील वॉट, खांडोळें सरकारी महाविद्यालय 60 कील वॉट तांकीची सौर उर्जा यंत्रणा बसयल्या.
2022- 23 त पेडणें सामुदायीक भलायकी केंद्रांत 20 कील वॉट, साखळी सामुदायीक भलायकी केंद्रात 40 कील वॉट, शिरोडा मुळावे भलायकी केंद्रात 40 कील वॉट, कुडचडे-काकोडा मुळावे भलायकी केंद्रात 40 कील वॉट क्षमतेची यंत्रणा बसयल्या.
2023- 24 त डॉ. श्यामा प्रसाद मुखर्जी स्टेडियमांत 15 कील वॉट आनी पेडणें पालिका कोयर प्रक्रिया प्रकल्पांत 20 कील वॉट तांकीची यंत्रणा बसयल्या. 2024-25 त फोंडेंच्या केरी ग्राम पंचायतींत 10 कील वॉट, बोरी ग्राम पंचायतींत 15 कील वॉट आनी फोंडें पालिका इमारतींत 30 कील वॉट तांकीची यंत्रणा बसयल्या. 2025-26 त होंडा ग्राम पंचायतींत 15 कील वॉट आनी कोलवाळे बंदखणींत 125 कील वॉट तांकीची सौर उर्जा यंत्रणा बसयल्या, अशी म्हायती वीज मंत्र्यान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
