भांगरभूंय | प्रतिनिधी
वर्ल्ड ओबेसिटी अॅटलस 2026चो अहवाल
नवी दिल्ली, खबरां संस्थाः वर्ल्ड ओबेसिटी अॅटलास 2026च्या अहवाला प्रमाण 2025 ते 2027 ह्या काळांत संवसारात उण्या वजनाच्या भुरग्यां परस मोटसाण आशिल्ल्या भुरग्यांचो आंकडो चड आसतलो.
ह्या अहवाला प्रमाण, भुरग्यांच्या मोटसाणेच्या मळार आतां चीना उपरांत भारत संवसारांतलो दुसरो देश जाला. भुरगेपणांतली मोटसाण आतां ‘सायलेंट महामारी’ जावपाक लागल्या.
2025 वर्साच्या आंकडेवारी प्रमाण, भारतांत 5 ते 19 वर्सां पिरायेची 4.1 कोटी भुरगीं बीएमआय (बॉडी मास इंडेक्स) सयत जियेतात. तातूंतली सुमार 1.4 कोटी भुरगीं मोटसाणेन ग्रस्त आसात. 2010 ते 2025 ह्या काळांत भारतांत 5-19 वर्सां पिरायेच्या भुरग्यां मदीं चड बीएमआय वर्सुकी 4.8% दरान वाडलो. जाल्यार 5 वर्सां सकयल्या भुरग्यां मदीं मोटसाण वर्सुकी 4.4% प्रमाणांत वाडत आसा.
यकृताचें लुकसाण आनी कॅन्सराचीं लक्षणां हाचो भुरग्यांक सगळ्यांत चड धोको आसा. भुरग्यांच्या कुडींतली मोटसाण ल्हवू ल्हवू प्रौढांमदीं गंभीर दुयेंसां निर्माण करतात.
भारतांत मोटसाण वाडपाचीं मुखेल कारणां
० 11-17 वर्सां पिरायेचे 74% किशोरवयीन मुलींना गरजेच्यो शारिरीक हालचाली करिनात.
० फकत 35.5% भुरग्यांक शाळेंत जेवण मेळटा.
० 1-5 म्हयन्यांच्या 32.6% भुरग्यांक आवयचें दूद फावो तें मेळना.
० आवयच्या मोटसाणेक लागून भुरग्यांक हो धोको वाडत आसा.
० गांवांपरस शारांनी मोटसाण सुमार 10% चड आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
