भांगरभूंय | प्रतिनिधी
पणजी : गोरवांची बेकायदेशीर येरादारी करप्यांक वाळपय पयलो प्रथम वर्ग न्यायालयान बरेंच उजरावन काडले. केरी- सत्तरीच्यान बेकायदेशीरपणान व्हेल्ले दोन रेडे धनयाच्या ताब्यांत दिवपाक वाळपय प्रथम वर्ग न्यायालयान आयज शुक्रारा न्हयकार दिलो. न्यायालयाच्या आदेशा प्रमाण खटल्याचो निकाल येयसर हे दोनूय रेडे नाणूस- सत्तरी गो- शाळेच्या ताब्यांत उरतले. ह्या निर्णयाक लागून सत्तरी म्हालांतल्या गो- मोगीं मदीं उमेदीचें ल्हार पातळ्ळें. न्यायालयांत नाणूस गो- शाळेची बाजू अॅड. शिवाजी देसाय हांणी मांडली.
केरी २.१० लाखांचें गोरवांचें मांस जप्त
मजगतीं, केरी, वाळपयच्या पुलिसांनी एके बोलेरो गाडयेंतल्यान २.१० लाख रुपया मोलाचें ७५० किलो गोरवांचें मांस जप्त केलें. ह्या प्रकरणांत पुलिसांनी बोलेरोय जप्त केली. वाहन चालक सादिक नाईकवाडी (बेळगांव, कर्नाटक) हांचे आड भारतीय न्याय संस्थेच्या कलम ३२५ आनी गोंय जनावरां प्रतिबंधक कायदो कलम ८ अन्वये गुन्यांव नोंद करून अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
