भांगरभूंय | प्रतिनिधी
सांगें: मिराबाग सांवड्डें प्रस्तावीत बंधार्या आड कुडचडें बाजारांतलीं १ वर दुकानां बंद करून दुकानदारांनी निशेद केलो आनी रॅली काडून बंधार्या आड जागृताय केली. फाटले पंचवीस दीस मिराबाग हांगा बंधार्या आड धरणें आंदोलन चालू आसा. लोकां आड वचून सरकार हो प्रकल्प हाडून आपलीं बोल्सां भरता. सरकार कोणाचीच पर्वा करिनासतना लोकांक त्रास दिता. सरकाराचें हें कर्तृत्व कोणाकूच आवडूंक ना. लोकांचे खाजगी सुवातेर सरळ खणपाचें काम करप ही हुकूमशायूच. हो विशय गोंयभर चर्चेचो जाला.
आंदोलनां, मोर्चा, मिरवणूक काडूनय सरकार जागे जायना. न्हिदिल्ल्यांक कोणूय उठोवपाक शकता, मात न्हिदेचें सवंग घेतिल्ल्यांक उठोवप सामकें कठीण आसता. तरी घरां, गांव सैम, न्हंयो राखपा खातीर खंयचीय पावलां उखलपाक तयार आशिल्ल्याचें आंदोलक उलोवन दाखयतात. २५ दिस सगलें करूनय सरकार ओगीच आसा. मजा पळयता. ते खातीर लोहिया मैदानाचेर आंदोलनाचें आयोजन केलें. थंयूय निरशेवणीच आयल्या. तरी जो मेरेन बंधारो गेल्ल्याचें लेखी जाप मेळना तो मेरेन आंदोलन चालूच उरतलें अशें आंदोलकांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
