भांगरभूंय | प्रतिनिधी
पणजी : पर्वरेच्या विधानसभा वाठारांत पत्रकारांनी वाडपी हुंदरांच्या आंकड्या विशीं आनी वीज कार्यालयांतूय खूब हुंदीर जाल्ले विशीं वीज मंत्री सुदिन ढवळीकार हांकां विचारलें तेन्ना तांणी सांगलें, हुंदरांचो आंकडो सगल्याक बरोच वाडला. अंदूं तांचो बंदोबस्त करतले. पणजेच्या वीज खात्याच्या कार्यालयांतूय बरेच हुंदीर जाल्यात. तांचो बंदोबस्त करपा खातीर अर्थसंकल्पांत तरतूद आसतली.
सगल्याकूच हुंदीर जाल्यात आनी ते सगल्याक भोंवतात. अंदूं तांचो बंदोबस्त करतले. हे खातीर अर्थसंकल्पांतूय तरतूद आसतली, अशें मंत्री ढवळीकार हांणी हांसत सांगलें.
पणजे शारांत बरेच हुंदीर जाल्यात. पणजेच्या वीज कार्यालयांत हुंदीर भायल्यान भितर येवन सतायतात. तांचो बंदोबस्त करपा विशीं आमी वीज खात्याच्या मुखेल अभियंत्या कडेन उलोवप केलें. बिरेस्तारा सकाळीं ७.३० वरांचेर आपूण पणजेच्या वीज कार्यालयांत आशिल्लों. तेन्ना आपणेंय भायल्यान हुंदीर भितर कशें येतात तें पळयलां. हाका लागून मुखेल दारा कडेन कितेंय वेवस्था करची पडटली अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
