भांगरभूंय | प्रतिनिधी
विजय सरदेसाय: जनते कडल्यान वट्ट २,१९३ भौशीक सुचवण्यो आनी समस्या
पणजी: ६ मार्च सावन सुरू जावपी विधानसभेच्या अर्थसंकल्पीय अधिवेशनाचे फाटभूंयेर जनते कडल्यान बरो प्रतिसाद मेळटा. आतां मेरेन वट्ट २,१९३ भौशीक सुचवण्यो आनी समस्या मेळिल्ल्याची म्हायती गोवा फॉरवर्ड पार्टीचे आमदार विजय सरदेसाय हांणी बिरेस्तारा दिली. पणजे आयोजीत पत्रकार परिशदेंत उलयतना तांणी येवपी अधिवेशनांत जनसामान्यांचे प्रस्न प्रभावीपणान मांडपाचो निर्धार उक्तायलो.
विधिमंडळाच्या ह्या म्हत्वाच्या अधिवेशना खातीर आमदारांनी विवीध विशयांवर आधारीत ४२ तारांकीत प्रस्न आनी २१० अतारांकीत प्रस्न सादर केले. तशेंच, सभाघरांत चर्चे खातीर १४ झिरो आवर्सांतलो विशय आनी १४ लक्षवेधी सुचवण्योय मांडल्यात. लोकशायेचे हे प्रक्रियेंत लोकसहभाग वाडोवपा खातीर आमदारांनी चार खाजगी वांगडी विधेयकां आनी तीन थारावूय विचारार्थ मांडल्यात. हाका लागून अधिवेशनात खुबश्या धोरणात्मक विशयांचेर खरपणान चर्चा जावपाची शक्यताय आसा.
राज्यातल्या सध्याच्या राजकी आनी समाजीक वातावरणाचेर भाशण करतना सरदेसाय हांणी सरकाराचेर बाण मारलो. गोंयांत सध्या विवीध मुद्यां वेल्यान सुरू आशिल्लीं आंदोलनां आनी जनक्षोभ पळयल्यार, विधानसभा कामकाजा मजगतीं आपली बाजू मांडप सरकाराक कठीण वतलें, अशें खर मत तांणी उक्तायलें. विरोधकां कडल्यान जनहिता खातीर उखलिल्ल्या पावलांक लागून हें अधिवेशन वादळी थारपाचीं चिन्नां आसात. सरकाराक खुबश्या भौशीक समस्यांचेर स्पश्टीकरण दिवपाक लायलें, अशेंय सरदेसाय हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
