भांगरभूंय | प्रतिनिधी
नवी दिल्ली: आठव्या पगार आयोगा (8th Pay Commission) खाला केंद्र सरकाराच्या कर्मचार्यां खातीर आनी निवृत्तीवेतनधारकां खातीर बरी खबर आसा. कर्मचारी संघटनांनी पगार, पेन्शन आनी भत्तो हांचे संबंदीत जायत्यो मागण्यो केल्यात. एक व्हड मागणी म्हळ्यार स्थिर वैजकी भत्तो (एफएमए) हातूंत व्हड प्रमाणांत वाड. सध्या हो भत्तो म्हयन्याक एक हजार रुपया आसता, पूण संघटणांनी तो २० हजार रुपया मेरेन वाडोवपाचो प्रस्ताव मांडला. केंद्र सरकार भलायकी येवजण (सीजीएचएस) हो खास करून गांवगिर्या वा पयसुल्ल्या वाठारांतल्या लोकां खातीर प्रस्ताव आसा. ह्या बदलाचो आस्पाव आठव्या आयोगाच्या शिफारशींत केला. ताचे विशीं सविस्तरपणान जाणून घेवया.
सध्याची स्थिती
सध्या मॅडिकल भत्तो फकत १,००० रुपया आशिल्ल्यान तो अपुर्ण थारता. फाटल्या कांय वर्सांनी वैजकी खर्चांत व्हड वाड जाल्या. विशेश म्हळ्यार गांवगिर्या वा पयसुल्ल्या वाठारांत रावपी आशिल्ल्यान तो अपुर्ण थारता. फाटल्या कांय वर्सांनी वैजकी खर्चांत व्हड वाड जाल्या. विशेश म्हळ्यार गांवगिर्या आनी पयसुल्ल्या भागांत रावपी कर्मचारी आनी पेन्शनधारकांक गरजेच्या उपचारां खातीरय आडमेळीं येतात, कारण CGHS सुविधा थंय उपलब्ध नासतात. संघटणांच्या म्हणण्या प्रमाण, हो भत्तो सदचे वैजकी म्हारगाये कडेन जुळना. हाका लागून कर्मचार्यांक अर्थीक ताण सोंसचो पडटा.
वैजकी भत्तो १ हजार रुपया वयल्यान २० हजार रुपया मेरेन वाडोवपाची शिफारस संघटणांनी केल्या. हाका लागून कर्मचारी आनी निवृत्तीवेतनधारकांक वैजकी खर्चा खातीर व्हडलीशी सुटका मेळटली. खास करून जांकां सीजीएचएस सुविधा ना तांकां हो भत्तो मुळाव्या उपचारा खातीर उपेगी पडटलो. हो प्रस्ताव आयोगाच्या व्यापक मागण्यांचो एक भाग आसा, जातूंत कर्मचार्यांच्या अर्थीक सुरक्षेक प्राधान्य दिलां.
कारणां कितें?
हाचें मुखेल कारण म्हळ्यार वैजकी खर्चांतली वाड. चलनवाडीक लागून क्लिनीक, वखदां आनी उपचार म्हारग जाल्यात. गांवगिर्या वाठारांनी रावपी लोकांक शारांनी मेळपी सुविधा मेळनात, देखून हो भत्तो तांचे खातीर गरजेचो. सध्याचो भत्तो जायनासतना कर्मचार्यांक स्वताच्या बोल्सांतल्यान फारीक करचें पडटा अशें संघटणांनी सांगलें.
हेर मागण्यो
वैजकी भत्तो सोडल्यार फिटमेंट फॅक्टरांत बदल, वर्सुकी पगार वाड, निवृत्तीवेतन फायदे, सुटी आनी प्रवास भत्तो सुदारप अश्यो मागण्यो आसात. ह्यो सगल्यो मागण्यो कर्मचार्यांच्या एकंदर कल्याणा खातीर आसात. आयोग ह्या प्रस्नांचो नियाळ घेतलो आनी शिफारशी करतलो. हाचो फायदो सुमार एक कोटी कर्मचारी आनी निवृत्ती वेतनधारकांक जावपाची शक्यताय आसा.
कर्मचार्यांक अपेक्षा
आयोगा कडल्यान सकारात्मक निर्णयाची अपेक्षा कर्मचार्यांक आसा. पगार, पेन्शन आनी भलायके संबंदीत तांची पोरणी मागणी पुराय जातली अशी आस्त तांकां आसा. सरकारान आयोगाक मान्यताय दिल्या, पूण अंमलबजावणेची तारीख स्पश्ट ना. सगल्यांचे दोळे आयोगाच्या अहवालाचेर आनी सरकाराच्या प्रतिसादाचेर आसात. हो प्रस्ताव मान्य जालो जाल्यार कर्मचार्यांक व्हडली सुटका जातली. सरकारान आयोगाक आपलो अहवाल सादर करपाक १८ म्हयने दिल्यात, ताचो फायदो सुमार ५० लाख कर्मचारी आनी ६९ लाख निवृत्ती वेतनधारकांक मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
