भांगरभूंय | प्रतिनिधी
पणजी : कोल्हापूर जिल्ह्यांतल्या पाटगांवचे आदले सरपंच महेश दिनकर पिळणकार (५२) हे बेपत्ता आसात. ते गोंयांत आयिल्ल्याची शक्यताय तांच्या कुटुंबान उक्तायल्या. ते ७ जानेवारीक रातच्या ८ वरांचेर भायर जेवपाक वतां अशें सांगून ते भायर सरिल्ले. मात आजूनय ते घरा परतूंक ना.
सध्या गारगोटी पुलीस, गुन्यांव फांटो पुलीस आनी गांवचे लोक तांचो सोद घेतात. दोन म्हयने जायत आयले तरी तांचो सोद लागूंक नाशिल्ल्यान कुटुंबियांनी आनी गांवांत भंयाचें वातावरण तयार जालां.
जर ते कोणायकूय दिसल्यार गारगोटी पुलीस वा तांचे भाव संजय पिळणकार (९४२०३ ५२२४७) आनी पूत पारस पिळणकार (७८२२९ ६१५१६) हांचे कडेन संपर्क करचो. महेश पिळणकार हांकां सोदपाक सहकार्य केल्ल्या मनशाक योग्य तें इनाम दितले असो उलो तांच्या कुटुंबियांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
