भांगरभूंय | प्रतिनिधी
बाणावले सगल्यांत उण्या ३ उमेदवारांची ळाली निवड: राज्यांतल्यान १११७ जाणांची निवड
पणजी : एलडीसी, शिपाय, शिक्षक, अकावंटंट, पंचायत सचीव, लॅबोरेटरी असिस्टंट अश्या क श्रेणींतल्या कर्मचार्यांची निवड कर्मचारी भरती आयोगा वरवीं जाता. आतां मेरेन कर्मचारी भरती आयोगा वरवीं विवीध पदां खातीर मेळून फोंडेंच्या सगल्यांत चड म्हळ्यार ६३ उमेदवारांक नोकर्यो मेळ्ळ्यात. बाणावले सगल्यांत उणे ३ उमेदवारांची निवड जाल्या. कर्मचारी भरती आयोगाच्या सुत्रां कडल्यान ही म्हायती मेळ्ळी.
उत्तर गोंयच्यान ६०७ , जाल्यार दक्षीण गोंयच्यान ५१० मेळून आतां मेरेन १११७ उमेदवारांची निवड आयोगा वतीन जाल्या. योगायोगाची गजाल म्हळ्यार सगल्या मतदारसंघातल्यान उमेदवारांची निवड जाल्या. मुख्यमंत्री डॉ. प्रमोद सावंत हांच्या सांखळे मतदारसंघांतल्यान ५४ जाणांक नोकर्यो मेळ्ळ्यात.
आदले मुख्यमंत्री रवी नायक हांच्या मरणाक लागून फोंडें मतदारसंघा खातीर पोटवेंचणूक जातली. पोटवेंचणूकेची तारीख आजूनय जरी जाहीर जावंक ना तरी प्रचार सुरू जाला. पोटवेंचणूक जावपी फोंडें मतदारसंघांतल्यान कर्मचारी भरती आयोगा वरवीं सगल्यांत चड ६३ जाणांक नोकर्यो मेळ्ळ्यात.
फोंडें मतदारसंघा फाटोफाट प्रियोळ ६०, सांखळे ५४, मडकय ५१, पर्वरे ५०, काणकोण ४८ ह्या मतदारसंघांचो नंबर लागता. योगायोगान हे सगले मतदारसंघ सत्ताधारी पक्षाकडेन आसात. भलायकी मंत्री विश्वजित राणे प्रतिनिधीत्व करपी वाळपय मतदारसंघांत आयोगा वरवीं ३०, जाल्यार देविया राणे हांच्या पर्यें मतदारसंघांतल्यान ३४ उमेदवारांची निवड जाल्या. केपें मतदारसंघांत कॉंग्रेसीचे एल्टन डिकोस्टा आमदार आसात. केप्यांतल्यान ४५ उमेदवारांची निवड जाल्या.
मतदारसंघा प्रमाण नोकरे खातीर निवड जाल्ले उमेदवार :
मतदारसंघ – उमेदवार
मांद्रें – ४७
पेडणें – ४३
दिवचल – २८
थिये – ३१
म्हापशें – २७
शिवोले – २४
साळगांव १९
कळंगुटे – ५
पर्वरे – ५०
हळदोणा – १२
पणजे – १९
ताळगांव – २९
सांताक्रुज – २४
सांत आंद्रे – १९
कुंभारजुवा – ३०
मयें – २२
सांखळे – ५४
पर्यां -३४
वाळपय – ३०
प्रियोळ – ६०
………..
दक्षीण गोंय
फोंडें – ६३
शिरोडा – ३८
मडकय – ५१
मुरगांव – ७
वास्को – ३१
दाबोळे -१०
कुठ्ठाळे – ६
नुव्यां – ९
कुडतर्यां – ७
फातोड्ड्यां – १०
मडगांव – २७
बाणावले – ३
नावेले – १२
कुंकळ्ळे – २८
वेळ्ळी – ७
केपें – ४५
कुडचडें – ३६
सांवड्डें – ३७
सांगें – ३५
काणकोण – ४८
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
