भांगरभूंय | प्रतिनिधी
येरादारी काणकोण-आगोंद-बेतुल मार्गान वळयली
पणजी : मडगांव-कारवार महामार्ग एनएच-६६चेर बार्शें-पाडी मजगतीं एलपीजी टँकरचो अपघात जालो. हाका लागून ह्या रस्त्यावेली येरादारी विस्कळ्ळ्या. ह्या अपघाता उपरांत सुरक्षेच्या कारणाक लागून मडगांव ते काणकोण हमरस्त्यावेल्या दोनूय वटांनी येरादारी काणकोण- आगोंद- बेतुल मार्गान वळयली.
ह्या अपघाताची म्हायती मेळटांच राज्य सरकाराचीं आपत्कालीन यंत्रणां सतर्क जाल्यांत. आपत्ती वेवस्थापन यंत्रणां सज्ज दवरल्यांत. मामलेदार, उपजिल्लोधिकारी तशेंच संबंदीत अधिकारी, यंत्रणां घडणुके सुवातेर पावल्यांत. हे सुवातेर पुलीसूय तैनात केल्यात.
कुंडयच्यान एलपीजी कंपनीचीं यंत्रणांय अपघाताचे सुवातेर दाखल जाल्यात. अपघाता उपरांत मडगांव-काणकोण महामार्गावेलीं जड वाहनां तात्पुरतीं आडयल्यांत. हेर येरादारी काणकोण-आगोंद-बेतुल मार्गान वळयल्यांत.
मजगतीं, वाहन चालकांनी हाची नोंद घेवन सहकार्य करपाचो उलो येरादारी पुलिसांनी मारला. तशेंच नेम मोडिनासतना वाहनां चलोवचीं आनी येरादारी कोयंडी जावची न्हय म्हूण जतनाय घेवची असो उलो येरादारी पुलिसांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
