भांगरभूंय | प्रतिनिधी
पणजी : पणजी महापालिका वेंचणुकेंत आमी पणजेकार पॅनला वतीन घराघरांनी वचून मतदारांक मेळपाचेर भर दितात. आमच्यो रायबंदरच्यो भेटी पुराय जाल्यात. मळ्यान ५० टक्के घरांक भेटी दिल्यात. कालच्यान पणजे वाठारांत भेटी घेवप चालू जालां. कालच्यान पणजी भागांत भेटी सुरू जाल्यात. पॅनेलाचे उत्पल पर्रीकार हांणी ही म्हायती दिली. मंगळारा पणजे शिगमोत्सवा निमतान हांगच्या महालक्ष्मी देवळाक भेट दिली. ह्या वेळार तांणी हाजीर आशिल्ल्या वांगडा रंग खेळ्ळो. उपरांत तांणी माध्यमां कडेन संवाद सादलो.
आमी भेट दिल्ल्या सगल्या वाठारांनी कितें ना कितें समस्या आसात. फाटलीं पांच वर्सां योग्य तरेन कामां जावंक नाशिल्ल्याच्यो कागाळी लोक करतात. रायबंदराच्या मैदाना खातीर संपादीत केल्ले सुवातेच्या शेजराक नगर नियोजन कायद्यांतल्या ३९ अ प्रमाण बदल करपाची शक्यताय आशिल्ल्याचें हांगच्या नागरिकांनी सांगलें. हांगां बांदिल्ले जेटीक जाय तशीं सोपणां नात. हाका लागून जेटी नुस्तेंमारां खातीर आसा काय वेवसायीक कारणां खातीर, हे विशीं दुबाव निर्माण जाला, अशें पर्रिकार हांणी सांगलें.
पणजे शारांतूय जायत्यो समस्या आसात. फाटलीं पांच वर्सां आमदार, महापौरांनी शाराचो विचारूच करूंक ना. हांगच्या पार्किंगचो प्रस्न आजूनय कायम आसा. प्रश्न अजूनही कायम आहे. सरकार पिपिपी तत्त्वाचेर पीडब्ल्यूडी गॅरेजी कडेन वेवसायीक बांधकाम प्रकल्प हाडपाक सोदता. ते सुवातेर हायड्रॉलिक पार्किंग स्टेशन करपाक मेळपाचें. ही सुवात बाजाराच्या सामकें लागीं आसा. हाका लागून पार्किंगा खातीर उपेगी थारपाचें. घराघरांनी भोंविल्ल्यान लोकांच्यो समस्या आनीक बरे तरेन समजतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
