भांगरभूंय | प्रतिनिधी
पणजी : सासश्टी म्हालांतल्या चिंचणी वाठारांतल्या एका घराक भिरांकूळ उजो लागलो. हातूंत ७० वर्सां पिरायेचे बायलेक लासून मरण आयलें.
घराक अचकीत उजो लागिल्ल्या बरोच बोवाळ जालो. हे घडणुकेची म्हायती उजो पालोवपी दळाक दितांच तांणी येवन उजो पालयलो.
कुंकळ्ळी पुलिसांनी पंचनामो करून ते बायलेची कूड फुडल्या तपासा खातीर दक्षीण गोंय जिल्लो हॉस्पिटलांत धाडली. उजो सगल्याक पातळून घराचें पांखें लासून गोबोर जालें. हातूंत बरेंच लुकसाण जालें. उजो नेमको कसो लागलो हाची म्हायती उजो पालोवपी दळ घेता. हे विशीं अदीक तपास कुंकळ्ळी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
