भांगरभूंय | प्रतिनिधी
पणजी : म्हावळिंग्यां आयतारा मध्यानरातीं लागिल्ल्या भिरांकूळ उज्यांत किराणा मालाचें दुकान पुरायेन लासलें. ह्या उज्यांत सामाना सयत इमारतीचेंय बरेंच लुकसाण जालें. मुळाव्या अंदमासा प्रमाण सुमार पांच लाख रुपयां परस चड मोलाची मालमत्ता लासून गोबोर जाली. उजो पालोवपी दळाचे जवान घडणुके सुवातेर रोखडेच पावून तांणी उज्याचेर नियंत्रण हाडिल्ल्यान शेजारचीं घरां आनी दुकानां वाटवलीं.
हे घडणुके विशीं मेळिल्ले चड म्हायती प्रमाण, पुराय वाठार सुस्त न्हिदेंत आशिल्लो तेन्ना दुकानांतल्यान अचकीत धुंवर आनी उज्याचो लोट भायर येवपाक लागलो. कांय वेळान उजो सगल्याक पातळ्ळो. दुकानांतलें तेल, धान्य तशेंच हेर सामानाक लागून उजो रोखडोच पातळ्ळो. थळाव्यांक हें कळटांच तांणी रोखडेंच उजो पालोवपी दळाक संपर्क केलो. उज्याक इतलो नेट आशिल्लो, हातूंत दुकानाचें लोखणाचें शटर आनी पांखेंय उज्यांत वितळ्ळें.
उज्याचें नेमकें कारण आजूनय स्पश्ट जावंक ना. मात शॉर्ट सर्किटाक लागून उजो लागिल्ल्याचो दुबाव उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
