भांगरभूंय | प्रतिनिधी
कर्नाटकातले बेकायदेशीर येरादारी वेल्यान ग्रामसभा तापली
फोंडें: कर्नाटक राज्यांतल्यान बेकायदेशीर येरादारी, मोलें गेटींतल्यान धाट फार्मचेर स्थलांतर केल्या उपरांत सध्या कुंपण बांदपाचें काम सुरु, हॉटमिक्स प्रकल्पाच्या घाणयार्या वासाक लागून मुळे पंचायत मंडळान पळोवणी करप, सांगोड गांवांतल्या रस्त्यार हॉटमिक्स करप आनी हेर म्हत्वाच्या विशयांचेर मोलें पंचायतीची ग्रामसभा गाजली. धाट फार्म परत सुरु करपाचो थाराव आनी हेर म्हतवाचे थाराव हे ग्रामसभेंत घेतले.
मोले पंचायतीचे सरपंच विठोबा मेळेकार हांचे अध्यक्षते खाला आयतारा ग्रामसभा जाली. गोंयांत व्हडा प्रमाणांत कर्नाटक राज्यांतल्यान गांयच्या मांसाची येरादारी जाता. मात मोलें गेटी लागसारच्यान येवपी वाहनांची वेवस्थीत तपासणी जायना. तशेंच गटीवेल्या पुलीस कर्मचार्यांक हेर कडेन ड्युटी दिनात. हाका लागून गायचें मांस येरादारी करप्यांक कर्मचारी सहकार्य करता अशें दिसून येता. महणून पंचायत मंडळांनी बेकायदेशीरपणान जावपी येरादारीचेर लक्ष दवपाची मागणी ग्रामस्थांनी केली.
सरकारान धाट फार्मचें स्थलांतर कोपाड्र्ड्यां केल्लयन बंद आशिल्ल्या फॉर्म लागसार गैर वेव्हार जावपाची शक्यताय आसा. सध्या धाट फार्म लागसार कुंपण बांदपाचें काम सुरू आशिल्लयन पंचायत मंडळांनी काम सुरू करपा खातीर पत्रवेव्हार करपाची गरज आसा. सुमार ६० वर्सां पसून कार्यरत आशिल्ल्या धाट फार्मांक लागून पंचायत वाठारांत रोजगाराच्यो संदी उपलब्ध जाल्ल्यो. हाका लागून काम सुरू करपाचो थाराव ग्रामस्थांनी घेतलो.
सांगोड वाठारांत सुरू केल्ल्या हॉटमिक्स प्रकल्पाक लागून वाठारांत घाणयारो वास पातळ्ळा. थळाव्यांचे भलायकेचेर परिणाम जावपाची शक्यताय आसा. हाका लागून पंचायत मंडळान पळोवणी करून कंत्राटदारा कडेन करप गरजेचें आसा. लोकांच्या भलायकेची काळजी पंचायत मंडळान यत्न करपाचो थाराव ह्या वेळार दिलो.
पळसकटा- मोलेंच्या पार्सेकर फूड्स ह्या आस्थापना आड केल्ल्या कितल्याशाच कागाळींची फाटपुरवण पंचायत मंडळीन करची. जाका लागून लोकांक आस्थापना पसून जावपी त्रास उणे जावपाक मजत जातली. तशेंच फुडाराक आस्थापनाक कसलीच परवानगी दिवची न्हय असो निर्णय ग्रामसभेंत ग्रामस्थांनी घेतलो.
सरपंच विठोबा मेळेकार हांचे अध्यक्षताये खाला ग्रामसभा शांतीकायेन पुराय जाली. सरकारान बंद केल्लें धाट फार्म सुरु करपाचो थाराव ग्रामस्थानी घेतलो. तशेंच सांगोडच्या हॉटमिक्स प्रकल्पाची पळोवणी करपाचो निर्णय ग्रामसभेंत सरपंचान घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
