भांगरभूंय | प्रतिनिधी
म्हापशेंः आसगांवच्या एकल्या कडेन 20 लाख रुपयांची खंडणी मागले उपरांत, ती दिवंक नाशिल्ल्यान मालमत्तेतले फातराचें दुरीग मोडिल्ल्यान हणजूणां पुलिसांनी विक्रम (बेंडेवाडो, सांगें) आनी हेर कांय जाणां आड गुन्यांव नोंद केलो.
ह्या प्रकरणांत कुणाल लुल्लान हणजूण पुलिशेंत दाखल केल्ले कागाळी प्रमाण, विक्रमान फोन करून 20 लाख रुपयांची खंडणी मागली. खंडणी दिवंक ना जाल्यार जिवेशी मारपाची आनी आसगांवांतल्या मालमत्तेतले फातराचें दुरीग मोडून उडोवपाची धमकी दिली.
ते उपरांत दीपक, सादिक आनी कांय जाणांक धाडून आसगांवांतल्या तांच्या मालमत्तेतले फातराचे दुरीग जबरदस्तीन मोडले. हाका लागून 50 हजारांचें लुकसाण जालें. ह्या प्रकरणांत हणजुणां पुलिसांनी गुन्यांव नोंद केला. उपनिरिक्षक नवनीत गोलतेकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
