भांगरभूंय | प्रतिनिधी
गोंय पुलीस करंड फुटबॉल सर्तीचें आयोजन 22 ऑगस्ट ते 8 सप्टेंबर ह्या कालावधींत केलां. अंदूंचे सर्तींत 12 पंगड वांटेकार जातले. गोंय फुटबॉल असोसिएशनाच्या प्रॉफेशनल लीग फुटबॉल सर्तींत खेळपी स, पयलो विभाग फुटबॉल सर्तींत खेळपी पांच आनी द्वितीय विभागांत खेळपी एक पंगड वांटो घेतलो अशी म्हायती पुलीस अधिक्षक बॉस्को जॉर्ज हांणी दिली.
ह्या वेळार तांच्या वांगडा उपअधिक्षक विल्सन डिसोझा, फ्रॅंकी फर्नांडीस, टोनी कामारा, संजीव सरदेसाय, पंगडांचे वेवस्थापक उपस्थीत आशिल्ले.
अ गटांत धेंपो स्पोर्ट्स क्लब, मार्ना शिवोलीचो स्टें अॅंथनी स्पोर्ट्स क्लब, धेंपो ज्युनियर्स हांचो आस्पाव आसा. ब गटांत चर्चिल ब्रदर्स स्पोर्ट्स क्लब, शापोरा युवक संघ आनी एफसी गोवा, क गटांत साळगांवकार एफसी, व्हायबीटी पणजी आनी गोंय पुलीस जाल्यार ड गटांत सेसा फुटबॉल अकादमी, वेळसांव स्पोर्ट्स क्लब आनी युथ क्लब ऑफ मनोरा हाचो आस्पाव आसा.
उक्तावणाची मॅच धुळेर फुटबॉल मैदानाचेर सेंट अॅंथनी स्पोर्ट्स क्लब मार्ना शिवोली आनी धेंपो ज्युनियर्स हांचे मदीं जातली.
धुळेर, शिरसय, पर्रा ह्या मैदानाचेर मॅची जातल्यो. फायनल धुळेर मैदानाचेर 8 सप्टेंबराक जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
