भांगरभूंय | प्रतिनिधी
मडगांव: घोगळ हावजींग बोर्ड हांगच्या सुन्नी गुलिस्तान मशिदीचे उपाध्यक्ष अली खान हांच्या खून प्रकरणांतले दुबावीत आलम सय्यद, लतीफ सय्यद, उबेद मकानदार आनी निजामुद्दीन सय्यद हांच्या जामीन अर्जाचेर बिरेस्तारा सुनावणी जाली. न्यायालयान ह्याा चारूय दुबावितांक अटी आनी शर्तींच्या आदाराचेर जामीन मंजूर केला.
ह्या प्रकरणांत अक्रम खान, साहिल ऊर्फ ’स्पायकी’ कन्वी, निजामुद्दीन सय्यद, हुसेन खान, सक्रुद्दीन शेख, आलम सय्यद, लतीफ सय्यद आनी उबेद मकानदार अशा वट्ट आठ जाणांक न्यायालयीन कबंदखणींत धाडले. मजगतीं, दुबावीत महबूबसाब अब्दुल्ला मकानदार आनी सरताज अब्दुल्ला मकानदार हांणी अटकपूर्व जामिना खातीर केल्ले अर्ज न्यायालयान भायर मारले.
बिरेस्तारा जाल्ले सुनावणेंत न्यायालयान आलम सय्यद, लतीफ सय्यद, उबेद मकानदार आनी निजामुद्दीन सय्यद हांकां दरेकी २५ हजार रुपयांचो वयक्तीक बॉंड आनी तितलेच रकमेचे दोन जामीनदार सादर करपाचे अटीचेर मुक्त केले. हाचे भायर, मशिदीच्या वाठारांत भोंवप ना आनी साक्षीदारांचेर चेंपण हाडचें न्हय, अश्यो खर अटीय न्यायालयान घातल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
