भांगरभूंय | प्रतिनिधी
नागौर: नागौरचे एके खाजगी शाळेंत ९ वर्सां पिरायेचे विद्यार्थीनीक काळजाच्या आताकान मरण आयलें. खेळटना तें पडलें. शाळेंतल्या कर्मचार्यांनी ताका रोखडेंच हॉस्पिटलांत व्हेलें. थंय ताका दोतोरांनी मरण आयिल्ल्याचें सांगलें. चार म्हयन्यां पयलीं ताच्या भावाकूय अशेच तरेन काळजाच्या आताकान मरण आयिल्लें.
ही घडणूक गोटन शारांतल्या गोटन इंटरनॅशनल स्कुलांत २३ फेब्रुवारीक सकाळीं सुमार ७.४८ वरांचेर घडली.
शाळा संचालक रामकुंवार औला हांणी सांगलें, तालणपूरच्या राजेंद्र बापेडीया हांची धूव दिव्या पांचवेंत शिकतालें. सदचे भशेन २३ फेब्रुवारीच्या सकाळीं तें शाळेंत आयिल्लें. प्रार्थना जावपाक वेळ आशिल्लो. कांय भुरगीं मैदानार खेळटालीं. हातूंत दिव्याय आशिल्लें. खेळटां खेळटां तें अचकीत बेशुद्ध जालें. हाका लागून बोवाळ जालो. ताच्या कुटुंबाकूय म्हायती दिली. ताका हॉस्पिटलांत व्हेलें. तो मेरेन ताका मरण आयिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
