करण, अंजना हांकां वस्तादपण

भांगरभूंय | प्रतिनिधी

मुरगांव बॅडमिंटन क्लबान गोंय बॅडमिंटन असोसिएशनाच्या सहकार्यान आयोजीत केल्ले राज्य मानांकन बॅडमिंटन सर्तींत करण धावस्कार, अनीश कामत, अंजनाकुमारी आनी जान्हवी महाले हांणी वैयक्तीक गटांत वस्तादपणा जोडलीं, जाल्यार तेजन फळारी आनी आर्यमन सराफ हांकां दोट्टी किताब फावो जालो.

चिखली खेळां संकुलांतल्या इन्डोरांत जाल्ले सर्तींतल्या दादल्यांच्या एकोड्या गटांतले फायनलींत सांखळीच्या करण धावस्कारान उमाकांत सर्गेक 21-13, 22-24 आनी 21-19 अशा फरकांनी हारयलो आनी आपले कारकिर्दींतलें व्हड येस मेळयलें. बायलांच्या एकोड्या गटांत अंजनाकुमारी जैत जोडलें. तिणें लिडिया बार्रेटोक 9-21, 12-10 अशा अशा फरकान हारयली. दुसरी गेम चालू आसतना लिडियान मॅच अर्दकुटी सोडली.

19 वर्सां पिराये सकयल्या चल्यांच्या एकोड्या गटांत अनीश कामत आनी चलयांच्या गटांत जान्हवी महाले हिणें वस्तादपण जोडलें.

सर्तींत आरोही कवठणकार, अभिषेक स्वामी, आफ्रान सय्यद, अनुज वेर्णेंकार, अश्मीत पार्सेंकार, अय्यान शेख, चिराग महाले, देवेश गोयल, जान्हवी विर्नोडकार, रितिका चेल्लुरी, सी के शाहीन आनी जोश कुमार ह्या प्रतिभावंत खेळगड्यांक पुरस्कार फावो जाले.

निमाणे लडतींतलो सविस्तर निकालः अण्डर 19 चल्यां एकोडी गटः अनीश कामत जैत आड यश देसाय 21-12, 20-22, 21-19, अण्डर 19 चलयांचो एकोडी गटः जान्हवी महाले जैत आड निधी देसाय 21-18, 21-13, अण्डर 19 चल्यां दोट्टी गटः यश हळर्णकार-आर्यमन सराफ जैत आड प्रणव नायक आनी यश देसाय 21-15, 21-13, अण्डर 19 चलयांचो दोट्टी गटः प्रतिष्ठा शेणॉय आनी सिन्नॉव्हिया डिसोझा जैत आड रिया हळदणकार आनी निधी देसाय 21-15, 21-10, अण्डर 19 मिश्र गटः आर्यमन सराफ आनी मिनोष्का परेरा जैत आड यश हळर्णकार आनी निधी देसाय 21-18, 14-21, 21-19.

बायलांचो एकोडी गटः अंजनाकुमारी जैत आड लिडिया बार्रेटो 9-21, 12-10, दादल्यांचो एकोडी गटः करण धावस्कार जैत आड उमाकांत सर्गे 21-13, 22-24, 21-19, दादल्यांचो दोट्टी गटः तेजन फळारी आनी अर्जुन फळारी जैत आड फ्लॉयड आरावजो आनी फ्रॅड्रिक फर्नांडीस 21-8, 24-22,

बायलांचो दोट्टी गटः अनार सिंगबाळ आनी नेहा सहकारी जैत आड लिडिया बार्रेटो आनी यास्मिन सय्यद (मॅच सोडून दिली), सिनीयर मिश्र दोट्टीः तेजन फळारी आनी यास्मिन सय्यद जैत आड अर्जुन फळारी आनी लिडिया बार्रेटो (मॅच सोडून दिली).