भांगरभूंय | प्रतिनिधी
नवी दिल्ली: दिल्ली विधानसभा इमारत आनी लाल किल्लो बॉम्बस्फोटांत उडोवपाची धमकी दिल्या. सोमारा एका खलिस्तानी गटान ही धमकी आशिल्लो ईमेल धाडिल्लो.
म्हायती मेळ्ळे उपरांत सुरक्षा यंत्रणां सतर्क जालीं आनी विधानसभा इमारतीची झडती घेतात. बॉम्ब स्क्वॉड आनी सुण्या पंगड सोदकार्यांत गुंथल्यात. आतां मेरेन कसलेच तरेची दुबाव येवपा सारकी गजाल सापडूंक ना.
लाल किल्ल्यावेली सुरक्षाय वाडयल्या. ह्यान पयलीं धौला कुआंच्या आर्मी पब्लिक स्कूल आनी दिल्लींतलो लोधी रोड हांगच्या एअर फोर्स बाल भारती स्कुलाक ईमेला वरवीं धमकी दिल्ली.
म्हायती मेळटांच दिल्ली पुलीस, बॉम्ब स्क्वॉड, डॉग स्क्वॉड आनी दिल्ली उजो पालोवपी सेवेचे पंगड शाळेंत पावले. पुराय कॅम्पस रिकामो केलो. तशेंच, तपासा मजगतीं कसलीच दुबाव करपा सारकी गजार सापडूंक ना.
पुलिसांनी दिल्ले म्हायती प्रमाण, ई-मेल धाडप्यांची म्हायती काडटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
