भांगरभूंय | प्रतिनिधी
पणजी: सरकारी तशेंच खाजगी कामाचे सुवातेर बायलां खातीर सुरक्षीत वातावरण निर्माण करपाक बायलां आनी भुरगीं उदरगत मंत्रालयान बायलांची लैंगीक सतावणूक (प्रतिबंध, बंदी आनी निवारण) कायदो, २०१३ खाला SHe बॉक्स पोर्टल ही नवी सुविधा उपलब्ध केल्या.
SHe बॉक्स पोर्टल देशभरांतल्या बायलांक लैंगीक सतावणुकीच्यो कागाळी दाखल करपा खातीर एक एकठांय सुविधा आसा. भौशीक वा खाजगी क्षेत्रात काम करपी बायलो ह्या पोर्टलाचो वापर करून सोंपेपणान ऑनलायन कागाळी सादर करूंक शकतात. कागाळ करपाक पिडेस्त बायल आपल्याक जमता ते भाशेचो वापर करपाक शकता. अशी कागाळ संबंदीत कामाच्या सुवाते वयल्या संबंदीत खाला समिती वा थळावे समिती कडेन धाडून फुडली कारवाय करतात.
कागाळ नोंद करपा खातीर पिडेस्त बायल शी-बॉक्स पोर्टल https://shebox.wcd.gov.in/चेर भेट दिवंक शकता. कागाळ नोंद करपाक ईमेल आयडी आनी मोबायल नंबर गरजेचें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
