भांगरभूंय | प्रतिनिधी
पणजी : गोंय पुलिसांनी बेकायदेशीरपणान गोंयांत रावपी विदेशी नागरिकांचेर कारवाय सुरू केल्या. हरमल दर्यादेगेर रावपी युगांडाच्या नागरिकाचेर मांद्रें पुलिसांनी गुन्यांव नोंद केला. बांगी ए. नमबलीरवा (४०) अशें ताचें नांव.
पुलिसांनी दिल्ले म्हायती प्रमाण, हरमला सकयल्या वाड्यार तो बेकायदेशीरपणान रावतालो. ताचे कडेन पासपोर्ट, व्हिसा, प्रवासाचीं कागदपत्रां नाशिल्लीं. हाका लागून पुलिसांनी ताचे आड इमिग्रेशन आनी फॉरेनर कायदो २०२५ च्या कलम २३ (ए) खाला गुन्यांव नोंद केला.
मजगतीं, रशियेच्या तरणाट्याक दोन रशियन बायलांच्या खून प्रकरणांत अटक केले उपरांत तो तरणाटो आनी दोन बायलोय बेकायदेशीरपणान गोंयांत राविल्ल्याचें दिसून आयिल्लें. उपरांत बेकायदशीरपणान गोंयांत रावपी विदेशी नागरिकांवेली कारवाय आनीक खर केल्ल्याची म्हायती पुलीस सुत्रांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
