भांगरभूंय | प्रतिनिधी
भांगरभूंय । प्रतिनिधी
पणजीः राज्यांत महात्मा गांधी रोजगार गॅरंटी मिशन (मनरेगा) खाला फाटल्या स वर्सांत गावगिऱ्या वाठारांनी 145 रस्ते प्रकल्प पुराय जाल्यांत. जाल्यार 136 रस्त्यांचें काम अजून सुरू आसा, अशीं म्हायती ग्रामीण उदरगत मंत्रालयान दिल्या.
मंत्रालयान जारी केल्ल्या अहवाला प्रमाण, गावगिऱ्या वाठारांनी जे अंतर्गत रस्ते आसात तांची कामां मनरेगा खाला जाल्यात.
पूण खेडें गावांनी खास करून आदिवासी वाठारांनी ही कामां हातांत घेवपा खातीर खूबशी आव्हाना आयलीं. ताका लागून ही कामां पुराय करपाक कळाव जाता. हातूंत दोंगराळ वाठार आनी कठीण भौगोलिक परिस्थिती, रान खात्याचो दाखलो, थळाव्या पांवड्यार बांदकाम साहित्याची मर्यादित उपलब्धताय आनी थळावे कायदो-सुव्यवस्थे ह्या आव्हानांचो आस्पाव जाता.
ह्या कठीण परिस्थितीत रस्त्यांची गुणवत्ता आनी टिकावपणाची खात्री करपा खातीर सगळे रस्ते प्रकल्प इंडियन रोड्स काँग्रेसच्या मानकां प्रमाण तयार केल्यात. हातूंत ग्रामीण आनी दोंगरा वयल्या रस्त्यां खातीर विशेश मार्गदर्शक तत्वांचो आस्पाव केला. मंत्रालयान तीन पांवड्यार खर गुणवत्ता थारोवपा खातीर यंत्रणा अमलांत हाडल्या.
तशेंच, रस्तो तिगोन उरतलो हे निश्चित करपा खातीर मूळ कंत्राटदाराकडल्यान पांच वर्सा खातीर सक्तिन बांदकामा उपरांतची देखरेक कबलात करतात. उपरांत राज्य सराकाराच्या निधींतल्यान देखरेख जाता. लवचिकता आनी पारदर्शकता वाडोवपा खातीर मंत्रालय खासदार, आमदार आनी थळवे पंचायत प्रतिनिधी हांचो एक पंगड तयार करून पळोवणी करतात.
वर्स 2020-21 ते 2025-26 ह्या काळांत 146 रस्ते प्रकल्प गावगिऱ्या वाठारांनी पुराय जाल्यात. सगळ्यांत चड 69 रस्ते प्रकल्प वर्स 2024-25त पुराय जाल्यात. जाल्यार ह्या चालू अर्थिक वर्सांत 8 प्रकल्प पुराय जाल्यात.
वर्स रस्ते – प्रकल्प
2020-2021 – 35
2021-2022 – 26
2022-2023 – 5
2023-2024 – 2
2024-2025 – 69
2025-2026 – 8
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
