भांगरभूंय | प्रतिनिधी
रोहन खंवटे : गोवा स्टार्ट अप एक्सलरेटर उपक्रम सुरू
भांगरभूंय । प्रतिनिधी
पणजी : गोंयची स्टार्टअप परिसंस्था हीं बायलां उद्देजक फुडें व्हरतात. गोंयांत नोंद आशिल्ले डीपीआयटी स्टार्टअप मदले 50 टक्के स्टार्टअप हे बायलांनी सुरू केला ही एक अभिमानाची गजाल आसा. तशेंच कांय काळा भितर गोवा ऑनलायन एआय चॅटबोट आनी हायब्रीड आयटी पार्क अस्तिवांत येतले, अशें म्हायती तंत्रज्ञान मंत्री रोहन खंवटे हांणी सांगलें.
पणजे म्हायती तंत्रज्ञान खात्यान स्टार्ट अप धोरणा खाला गोवा स्टार्ट अप एक्सलरेटर हो उपक्रम सुरू केला. ह्या उपक्रमाच्या उक्तावणा वेळार ते उलयताले. ह्या वेळार आयटी खात्याचे संचालक कबीर शिरगांवकार, जोड संचालक मिलिंद साखरदांडे आनी स्टार्ट अप आनी आयटी उर्बा विभागाचे सीईओ डी. ए. प्रशांत हजर आसले. ह्या निमतान आयटी खात्यान घडोवन गोवा ओपन इनोव्हेशन चॅलेंज आनी मेडीटॅक हॅकथोन हे सर्तीत वांटेकार जाल्ल्या स्टार्टअपांक इनामां भेटयलीं.
गोंयांत 734 डीपीआयटी मान्यता आशिल्ले स्टार्ट अप आसात आनी तातूंतल्या 347 स्टार्टअपांचें फुडारपण हीं बायलां उद्देजक करतात. आमी स्टार्ट धोरणांत बदल हाडून नव्या यंत्रणेचो आस्पाव केला. हाचोच भाग म्हूण फाटलीं 4 वर्सां जाली आमी एआय, हॅकेथोन सारकिल्ल्या गजालींचेर खूब काम केलां, अशें खंवटे हांणी म्हणलें. कांय दिसां भितर एआय चॅटबोट यंत्रणा चालीक लागतली. गोवा ऑनलायन ज्यो सरकारी सुविधा आसात त्यो एआय चॅटबोट वरवी व्हॉटस्अॅपाचेर येतल्यो आनी व्हॉटस्अॅपा वरवीं हे सेवेचो लाव घेवपाक शक्य जातलें. तशेंच आमी स्टारलिंका वांगडा आमी कबलात केल्या. जर केंद्रा सरकारचे स्पेक्ट्रम अधीन आशिल्ल्यो गजाली वेळा भितर जाल्यार गोंय ह्यो स्टारलींक सुविधा दिवपी पयलें राज्य जातलें, अशी म्हायती खंवटे हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
