भांगरभूंय | प्रतिनिधी
भांगरभूंय । प्रतिनिधी
काणकोणः ह्या वर्साची शणै गोंयबाब कथामाळ आमोणे- पैंगीणच्या बलराम राबितो हायस्कूलात जाली. तिचें आयोजन गोंय कोंकणी भाशा मंडळान केल्लें. ही सर्त पांचवी तें सातवी आनी आठवी तें धावी अश्या दोन पांवडयार जाली. पांचवी तें सातवी गटांत विदेश दैकार, नव्या वेळीप, श्रेया गांवकार हांका पयलें, दुसरें, आनी तिसरें इनाम फावो जालें. आठवी तें धावी गटांत साहिशा गांवकार, समृद्धी कोमरपंत, प्रणवी तुबकी हांकां पयलें, दुसरे आनी तिसरें इनाम फावो जालें.
दोनुय गटात ४२ विद्यार्थ्यानी वांटो घेतिल्लो. दोनूय गटांतल्या पयल्या दोन सर्तकांक म्हाल पांवडयावयले सर्तीत वांटो घेवपाक मेळटलो. सर्तीचें परिक्षण शिक्षक संजय गांवकार, स्वाती नायक, गौतमी सामंत हाणी केलें. सर्तकांक शिक्षक प्रसाद पागी हाणे मार्गदर्शन केलें. जैतिवंत विद्यार्थ्याक मुख्याध्यापिका सविता तवडकर हिणे परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
