भांगरभूंय | प्रतिनिधी
पेडणें: मांद्रें मतदार संघांतल्या चोपड्यां व्हाया मांद्रें ते केरी मेरेनच्या मुखेल रस्त्याचें हॉट मिक्स डांबरीकरण आनी दोनूय वटेन उदकाचीं पायपां घालपाचें काम, ह्या सगल्याचेर वट्ट २१० कोटी रुपया खर्च करून काम करतले. हो रस्तो फुडाराक केन्नाच नळाचें कनॅक्शन घेवपा खताीर रस्तो फोडपाचो प्रसंग येवचो ना, अशी गवाय मांद्रेंचे आमदार जीत आरोलकार हांणी सांगलें. ते जुनस वाडो ते सावंत वाडो, मांद्रें मेरेनच्या रस्त्याचें हॉट मिक्स डांबरीकरणाच्या कामाच्याउक्तावणा वेळार उलयतााले. ह्या कामाक तीन कोटी बारा लाख रुपया खर्च केल्यात.
ह्या वेळार मोरजी जिल्लो पंचायत वांगडी तारा हडफडकार, धारगळ जिल्लो पंचायत वांगडी श्रीकृष्ण हरमलकार, सरपंच रॉबर्ट फर्नांडीस, आदले सरपंच तशेंच आतांचे पंच रोजा फर्नांडीस, पंच बाळा उर्फ प्रशांत नायक, पंच संपदा आजगांवकार, पंच चेतना पेडणेंकार आनी हेर हाजीर आशिल्लीं.
आमदार जीत आरोलकार हांणी मुखार उलयतना सांगलेंे, मांद्रें मतदार संघांतल्या गांवांगांवांतले रस्ते हॉट मिक्स पद्धतीन उरिल्ल्या काळांत पुराय जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
