भांगरभूंय | प्रतिनिधी
वाळपय: एका काळांत सत्तरी म्हालांत व्हडा प्रमाणांत नाल्लांची लागवड करताले. मात आयज परिस्थित पुरायेन बदल्ल्या. रानवटी जनावरांचो वाडपी उपद्रव आनी विशिश्ट रोगांक लागून माड व्हडा प्रमाणांत नश्ट जातात. हाचो परिणाम सत्तरी म्हालांतल्या नाल्ल उत्पादनाचेर गंभीर परिणाम जाल्ल्यान, येवपी काळांत योग्य उपाय जर जावंक ना जाल्यार नाल्लाची परंपरीक संस्कृतीच नश्ट जावपाचो भंय नाल्ल उत्पादकांनी उक्तायला.
नाल्ल उत्पादकांच्या मतान, रानटी जनावरांच्या उपद्रवाचेर नियंत्रण दवरपाक, तशेंच माडाक जावपी रोगांचेर प्रभावी उपाय काडपा खातीर गोंयचें शेतकी खातें आनी रान खात्यान एकठांय येवन काम करप गरजेचें. तशेंच राज्याचे रानमंत्री विश्वजीत राणे आनी सत्तरीची आमदार डॉ. देविया राणे हांणी ह्या प्रस्ना कडेन गंभीरपणान लक्ष दिवन फुडाकार घेवपाची मागणी सध्या ह्या वाठारांतले लोक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
