भांगरभूंय | प्रतिनिधी
कोटा: राजस्थानच्या कोटा हांगा शेनवारा रातीं सुमार ९ वरांचेर एक ३ माळयेची इमारत कोसळ्ळी. हे इमारतीचे राशी पोंदा जायते लोक चिड्डल्ल्याचो भंय आसा. ही म्हायती मेळटांच पुलीस पंगड आनी बचाव पंगड त्या जाग्यार पावलो आनी रेस्न्यू ऑपरेशन सुरू केलें. आतां मेरेन ७ जाणांक राशी पोंदच्यान भायर काडून हॉस्पिटलांत दाखल केल्यातं.
मेळिल्ले म्हायती प्रमाण, तलवंडी वाठारांतले हे इमारतींत रेस्टॉरंट चलतालें. घडणुकेच्या वेळार कांय गिरायक आनी रेस्टॉरंटांत काम करपी १२ ते १५ कर्मचारी हाजीर आशिल्ले, जे इमारतीचे राशी सकयल आडखळून उरिल्ल्याचो भंय आसा. सध्या वाठारांतली वीज पुरवण बंद जाल्या.
घडणुके सुवातेर हाजीर आशिल्ल्यांनी सांगलें, आमकां मराण्यो मारिल्ले वरीं आवाज आयलो. आमी रोखडेच घडणुके सुवातेर पावले. रातच्या सुमार ९ वरांचेर स्फोटाचो आवाज आयलो आनी इमारत कोसळ्ळी. भितरल्यान ‘वाचय-वाचय’ अशे आवाज येताले.
हे इमारतीचे फाटले इमारतींत फाटल्या कितल्याशाच दिसां सावन काम सुरू आसा. सदांच ड्रिल मशीन, हॅमर चालयतात, हाका लागून पुराय इमारतीक वेर गेल्ली. निमाणी ती कोसळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
