भांगरभूंय | प्रतिनिधी
पणजी : संवसारांतले मोगी जाची वाट पळयतात तें व्हेलेंटायन सप्तक शेनवार 7 फेब्रुवारीच्यान सुरू जालां. संवसारभरांतले तरणाटे हो दीस मनयतात. भारतांत ताका फाटल्या 10-12 वर्सांच्या काळांत खर विरोध जावपाक लागला. कारण ही आमची संस्कृताय न्हय, अशें विरोधकांचें म्हणणें.
काल रोझ डे मनयलो. ते दीस मोगी वा मोगांत पडपाक इत्सूक आशिल्ले चले, चलयो एकमेकांक तांबड्या गुलाबाचें फूल दितात. काल पणजे बाजारांत एका गुलाबाचें मोल 40 ते 50 रुपया आशिल्लें. हरशी तो 20 ते 25 रुपयांक मेळटा. फुलकारांची काल बरीच जोड जाली.
आतां आयतार 8 फेब्रुवारीक प्रोपोज डे, 9 वेर चॉकलेट डे, 10 वेर टेडी डे, 11 फेब्रुवारीक प्रोमीस डे, 12 वेर हग (वेंग मारप) डे, 13 वेर कीस डे आनी 14 वेर व्हेलेंटायन डे मनयतले. थोडे व्हेलेंटायन विरोधी (स्लॅप डे, ब्रेक अप डे) दिसूय पाळटात खंय! व्हेलेंटायन सप्तकांत एका भारतांतूच 25 हजार कोटींची उलाढाल जातली असो अदमास आसा. चेअर, टॅडी बेरा सारकीं खेळणी, हेर भेटवस्तू, फुलां, चॉकलेट, जेवण, भांगराच्यो वस्ती हांची मागणी पोरूं परस 10 ते 300 टक्के वाडल्या. झोमेटोच्या ब्लिंकीटान मिनटाक 406 चॉकलेटी गिरायकांक पावयल्यात, तर दर मिनटाक साडेतिनशे गुलाबांचें वितरण केलां. अमेरिकेंत ह्या सप्तकांत 26 अब्ज डॉलरांची उलाढाल जावपाचो अदमास आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
