भांगरभूंय | प्रतिनिधी
पणजी : उत्तर गोंयचे नायटक्लब, बार, हॉटेल आनी हेर पर्यटन आस्थापनांच्या अभितर फोग वा उजो निर्माण करपी तत्सम उपक्रमांचेर बंदी घातल्या. हे विशीं उत्तर गोंय जिल्लोधिकारी अंकित यादव हांणी हालींच आदेश काडला.
आदेशाची अंमलबजावणी ८ फेब्रुवारीक सावन सुरू जावपाची आशिल्ल्यान फुडल्या ६० दिसां खातीर लागू आसतलो. उत्तर गोंय जिल्लोधिकारी अंकित यादव हांणी हे विशीं आदेश जारी केला.
ह्या आदेशांत म्हणलां, उत्तर गोंय जिल्लोधिकारी पुलिसांनी दिल्ल्या अहवाला प्रमाण, जिल्ह्यांतल्या पर्यटनाच्या संबंदीत आस्थापनांच्या भितर फोग वा उजो निर्माण करपी उपकरणां वापरतात. हाका लागून जिवीत तशेंच मालमत्तेचें लुकसाण जावपाची शक्यताय आसा. अशे सुवातेर उजाचो वायट परिणाम, दाट धुंवर सांचप, हाजीर आशिल्ल्यां मदीं भंय, चेंगराचेंगरी सारकिल्ली परिस्थिती निर्माण जावपाची शक्यताय आसा. जनतेक निर्माण जावपी धोको टाळपाक होनिर्णय घेतला.
हे प्रमाण बँक्वेट हॉल, खाजगी कार्यावळ थळां, नायटक्लब, बार, रेस्टॉरंट्स, हॉटेल गेस्टहावज , रिसॉर्ट्स, बीच शॅक वा पर्यटनाच्या संबंदीत हेर आस्थापनांच्या भितर फोग, स्पार्कलर, आतिशबाजी इफेक्ट, फ्लेम थ्रोअर, स्मोक जनरेटर अशें जायते उजो वा धुंवर निर्माण करपी तत्सम उपकरणांचेर बंदी घातली. हे आदेश मोडल्यार पडताळणी करप, एफआयआर दाखल करपाचो अधिकार उपजिल्लोधिकार्यांक दिलो.
अपवादात्मक प्रकरणांत परवानगी
अपवादात्मक प्रकरणांत, जिल्लो दंडाधिकार्यांक
भितर करपी आतिशबाजी खातीर पूर्व लेखी परवानगी दिवपाक मेळटली. मात हे खातीर अर्जदारान तपशीलवार सुरक्षा आनी धोको उणो करपाची येवजण आनी हेर सगलीं कागदपत्रां सादर करप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
