भांगरभूंय | प्रतिनिधी
पणजी : पोरणें गोंयां जाल्ल्या सिलींडर स्फोटांत गंभीर जखमी जाल्ले ४२ वर्सा पिरायेचे बायल लासली. बांबोळेच्या गोंय वैजकी महाविद्यालय (गोमेकॉ) हॉस्पिटलांत उपचार सुरू आसतना तिका मरण आयलें.
हे विशीं चड म्हायती प्रमाण, २ फेब्रुवारीक ही घडणूक घडिल्ली. बायल रांदचे कुडींत उदक गरम करपाक गेल्ली. तेन्ना गॅस पेटोवपाक वतना अचकीत स्फोट जालो. तातूंत बायल गंभीर जखमी जाली. उपरांत तिका वैजकी उपचारा खातीर व्हेली. मात, उपचार सुरू आसतना तिका मरण आयलें. ती बायल पोरणें गोंयां रावताली. मूळ ती झारखंडची. सिलींडर स्फोट जावपा फाटलें नेमकें कारण सोदून काडपा खातीर पुलीस फुडली चवकशी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
