भांगरभूंय | प्रतिनिधी
पणजी: नॅशनल बुक ट्रस्ट ऑफ इंडिया आनी लोकमान्य कल्चरल फावंडेशन हांच्या जोड पालवान आयोजीत केल्ल्या गोंय पुस्तक महोत्सवांत विवीध विचारप्रवर्तक सत्रांनी रसिकांचे लक्ष वेधून घेतलें. कांपाल पणजेच्या बांदोडकार मैदानार सुरू आशिल्ल्या ह्या महोत्सवांत ज्येश्ठ पत्रकार आनी लेखक उदय माहुरकार हांच्या पुस्तकार आधारीत विशेश संवाद सत्र जालें.
“My Idea of Nation First: Redefining Unalloyed Nationalism” ह्या हालींच प्रकाशीत जाल्ल्या पुस्तकाच्या निमतान जाल्ल्या ह्या चर्चासत्रांत वेदांत अगरवाल हांणी प्रस्नोत्तरा वरवीं लेखकां कडेन संवाद सादलो. ह्या सत्रांत ‘राष्ट्र प्रथम’ ही संकल्पना नेमकी कितें सांगता, ती फकत घोशणां पुरती मर्यादीत आसा काय तिचो व्यापक आशय आसा, हाचेर सविस्तर मंथन केलें.
उदय माहुरकर हांणी आपल्या पुस्तकांतल्यान मांडिल्ल्या विचारांचो केंद्रबिंदू स्पश्ट करतना सांगलें, राष्ट्रीयत्व म्हळ्यार भावनीक घोशणा न्हय, जाल्यर सत्याचेर आदारीत, कर्तव्यप्रधान आनी देशहिताला प्राधान्य दिवपी भुमिका आसा. स्वातंत्र्योत्तर भारतांतले कांय राजकीय निर्णय, इतिहास मांडणी आनी समाजीक समीकरणांचेर पुनर्विचार करपाची गरज तांणी अधोरेखीत केली. पुस्तकांत मांडिल्ल्या भुमिके प्रमाण, ‘आत्मपरीक्षण करिनाशिल्लो राष्ट्रवाद हो कमकुवत थारता’ अशें मत माहुरकर हांणी उक्तायलें. इतिहासाकडेन फकत भावनीक वा राजकीय सोयीन पळोवपाचे सुवातेर वस्तुनिष्ठ आनी निर्भीड नदरेन पळोवप गरजेचें अशें तांणी सांगलें.
विशेश म्हणल्यार स्वातंत्र्या उपरांतच्या काळात राबयिल्ल्या कांय धोरणांक लागून राष्ट्रीय एकात्मतेचेर विपरीत परिणाम जाला, अशी मांडणी पुस्तकांत केल्ल्याचें तांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
