भांगरभूंय | प्रतिनिधी
शिलॉंग: मेघालयांतल्या ईस्ट जैंतिया हिल्स जिल्ह्यांत बिरेस्तारा एके बेकायदेशीर कोळसो खणींत स्फोट जालो. ह्या अपघातांत उण्यात उणे १८ मजुरांक मरण आयलां. खुबशे मजूर आजूनय खणींत आडकून उरिल्ल्याचो भंय आसा, अशी म्हायती राज्याचे पुलीस महासंचालक आय. नोंगरांग हांणी दिली.
रेस्न्यू पंगड मजत आनी सोद मोहिमेंत गुंथल्यात. हो अपघात सकाळीं थांग्स्कु वाठारांत जालो.
नोंगरांग हांणी, आतां मेरेन १८ कुडी भायर काडल्यात. स्फोटा वेळार खणींत कितले मजूर आशिल्ले हें आजूनय स्पश्ट जावंक ना. आनीकूय लोक आडकून उरिल्ल्याची शक्यताय आसा अशें तांणी सांगलें.
पुलिसांचे म्हायती प्रमाण, हो स्फोट कोळसो खणकामा मजगतीं जालो आनी ही खाण बेकायदेशीरपणान चलयताले. स्फोटाचें कारण आजूनय कळूंक ना. हाचो सोद पुलीस घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
