भांगरभूंय | प्रतिनिधी
सोसायटीचे प्रतिनिधी आयज मेळटले सहकार निबंधक अधिकाऱ्यांक
भांगरभूंय । प्रतिनिधी
पणजी : तिरुमला सोसायटीच्या फांट्यांत ठेवी काडपा खातीर बुधवारा परस आयज बिरेस्तारा गर्दी उणी आशिल्ली. मात गुंतवणूकदारां मदीं भंय कायम आसा. तिरुमला तिरुपती सोसायटीचे प्रतिनिधी आयज सांजे वेळार सहकार निबंधक कार्यालयाच्या अधिकार्यांक मेळटले अशी म्हायती सुत्रांनी दिली. कागदपत्रां सादर करूंक नाशिल्ल्यान तिरुमला सोसायटी विशींची स्थिती तशीच आसा.
तिरुमला तिरूपती सहकारी क्रेडीट सोसायटीक 13 फांटे सुरू करपा खातीर दिल्ली एनओसी 3 फेब्रुवारीक रद्द केल्ल्यान सहकार मळार बोवाळ जालो. बुधवारा गोंयांतल्या सगल्या फांट्यांनी खातेधारकांनी पयशे काडपा खातीर गर्दी केली. सोसायटीच्या प्रतिनिधी मंडळान मुख्यमंत्री डॉ. प्रमोद सावंत हांची भेट घेवन नोटिशी प्रमाण कागदपत्रां सादर करपाचें आस्वासन दिलें. ऑडीट अहवाल आनी कागदपत्रां सादर करी मेरेन सोसायटीचे अर्थीक स्थितीची म्हायती सरकाराक कळची ना. ऑडीट अहवाल आनी कागदपत्रां मेळ्ळे उपरांत तांची तपासणी जातली. हाचे उपरांतूच फुडलो निर्णय जातलो. अजूनय सोसायटीन कसलेच तरेचीं कागदपत्रां सादर करूंक नात, अशी म्हायती सहकार खात्यांतल्या संबंदीत अधिकार्यांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
