भांगरभूंय | प्रतिनिधी
पणजी: उच्च शिक्षण संचालनालयान मानसीक दुयेंस/आत्महत्येच्या प्रकरणांची बातमी दितना माध्यमांनी पीसीआय मार्गदर्शक तत्त्वांक पाळो दिवपाचो सल्लो दिला. मानसीक दुयेंसां संबंदीत बातम्यांचें प्रकाशन/रिपोर्टिंग करपा विशीं मानसीक भलायकी सेवा कायदो २०१७ च्या कलम २४ (१) प्रमाण मंडळान माध्यमांनी मानसीक दुयेंस आशिल्ल्या व्यक्तीच्या संमती बगर मानसीक भलायकी संस्थेंत उपचार घेवपी व्यक्तीचे फोटो वा हेर कसलीय म्हायती प्रकाशीत करची न्हय हो नेम स्वीकारला.
संवसारीक भलायकी संघटणेच्या आत्महत्या आडावप: मीडिया वेवसायिकां खातीर एक संसाधन २०१७, च्या अहवालाक अनुसरून मंडळान मार्गदर्शक तत्वां स्विकारिल्ल्यान दिसाळीं आनी वृत्तसंस्थांनी आत्महत्या प्रकरणांचे रिपोर्टिंग करतना आत्महत्ये विशीच्यो बातम्यो चड करून प्रकाशीत करच्यो न्हय आनी अशो बातम्यो गरज नासतना परत परत प्रकाशीत करच्यो न्हय, आत्महत्येक खळबळजनक करपी भाशेचो वापर करचो न्हय वा समस्यांचेर उपाय म्हूण ती सादर करची न्हय. आत्महत्येक वापरिल्ली पद्धत, सुवातेचो तपशील, खळबळजनक माथाळो, छायाचित्रां, व्हिडिओ फुटेज वा सोशल मिडिया लिंक्सांचो वापर टाळचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
