भांगरभूंय | प्रतिनिधी
नवी दिल्ली: केंद्रीय गृह आनी सहकार मंत्री अमित शाह ०५ फेब्रुवारी २०२६ दिसा नवी दिल्लीच्या विज्ञान भवनांत भारतांतल्या पयल्या सहकाराचेर आधारीत ‘राइड-हेलिंग प्लॅटफॉर्म’ म्हळ्यार ऍप-आधारीत वाहन सेवा दिवपी सुविधा ‘भारत टॅक्सी’ चें उक्तावण करतले. प्रधानमंत्री नरेंद्र मोदी हांच्या ’सहकारांतल्यान समृद्धी’ हे संकल्पनेंतल्यान केंद्र सरकाराच्या सहकार मळार बळगें दिवपा खातीर आनी समावेशक, नागरीक-केंद्रीत गती चालीक लावपा खातीर सुरू आशिल्ल्या यत्नां मदलो हो एक म्हत्वाचो टप्पो थारतलो.
केंद्रीय गृह आनी सहकार मंत्री अमित शाह हांच्या नेतृत्वा खाला, सहकार मंत्रालय रोजगार निर्मिती, समाजीक सुरक्षा आनी सगल्या कोनशांतलें अर्थीक सहभागाचें प्रभावी माध्यम म्हणून सहकारी संस्थांक बळ दिवपाक वचनबद्ध आसा. भारत टॅक्सीची संकल्पना गतिशीलता वाठारांतली एक परिवर्तनकारी उपक्रम म्हणून मांडिल्ल्यान, हे सुवातेर चालकांक ‘सारथी’ म्हणून संबोधतले. मालकी, परिचालन आनी मल्य निर्मितीच्या केंद्र सुवातेर दवरतले, हाका लागून तांकां अग्रीगेटर म्हळ्यार शोशणकारी समूह ‘मॉडल’ सावन सुटका मेळटली.
भारत टॅक्सी हो भारतांतलो पयलो सहकार-प्रणित ‘राईड-हेलिंग प्लॅटफॉर्म’. हो प्लॅटफॉर्म भोव-राज्य सहकारी संस्था कायदो, २००२ खाला नोंदणीकृत आसा. ६ जून २०२५ हाची स्थापना जाली. हो प्लॅटफॉर्म शून्य-कमिशन आनी ‘सर्ज-फ्री प्राइसिंग’ मॉडेलार काम करता, चालकांक फायद्याचें सरळ वांटप करून, परदेशी गुंतवणूक-आधारीत ‘ऍग्रीगेटर प्लॅटफॉर्म’क स्वदेशी पर्याय उपलब्ध करता.
भारत टॅक्सी भलायकी विमो, अपघात विमो, सेवानिवृत्ती बचत आनी समर्पीत ‘ड्रायव्हर सपोर्ट सिस्टम’ वरवीं सारथींच्या समाजीक सुरक्षेला प्राधान्य दिता. बायलां सक्षमीकर चालीक लावपाक बाईक दीदी सारकिल्ले उपक्रम राबयतात. हाचे खाला आतां मेरेन १५० परस चड बायलो चालक भारत टॅक्सींत वाटेकार जाल्यात.
स्थापने पसून, भारत टॅक्सी संवसारांतलें पयलें आनी सगल्यांत व्हड सहकार-आधारीत ‘राईड-हेलिंग प्लॅटफॉर्म’ आनी संवसारांतलें सगल्यांत व्हड चालक-मालकी आशिल्ली येरादारी माची म्हणून मुखार आयली. दिल्ली-एनसीआर आनी गुजरातांत तीन लाखां परस चड वाहनचालक ह्या मंचा कडेन जोडले. एक लाखां परस चड वापरकर्ते नोंदणीकृत आसात आनी सदांच १०,००० परस चड रायड्स पुराय जातात. आतां मेरेन सुमार १० कोटी रुपया सरळ चालकांक वाटल्यात.
येवपी दोन वर्सांनी भारत टॅक्सीचो विस्तार देशभरचीं सगलीं राज्यां आनी शारांनी करपाचो हेतू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
